Tanhayee Mein Bekarar

Kabhi kabhi apni hi tanhaiyon mein kho jaane ka jee karta hai...

Apne hi parchaiyee se do baatein karne ka jee karta hai...

Kisi aur se na koi takrar, na koi shikayat ki gunjaish ho...

Kisi aur se na koi ummeed, na koi ehsaas ki chaah ho...

Maine toh socha tha ki mere dil ki bhi yeh khwaish hai...

Par sote hue maine apni hi karvato ko mehsoos kiya hai...

Kisi ki aahat sunne ko bekarar ho rahi hai rooh meri...

Kisi ki baahon mein sama jaane ki aas jagi hai mann mein kahi...

Yeh baichaini, yeh dard nahi saha ja raha hai mujhse ab...

Kab khatam hogi meri yeh intezaar, meri yeh tadap?